阿旦終於完成到自己多年心願 – 歐洲之旅!

18/06/2014 旅遊

慶祝生日好多人都會選擇同朋友唱K食飯暢飲!而我今年嘅生日過得特別麻甩及有型;很有意義,意義在於我終於完成到自己多年來嘅一個心願—-歐洲之旅!
承蒙客戶嘅眷顧,揾左我過去葡萄牙參與歐洲足球壇盛事,現場欣賞歐聯決賽—皇家馬德里vs馬德里體育會!喺睇戲肉之前,客戶喺比賽前一晚安排咗一個晚宴,當旅遊巴一到埗,我發現我哋到左一個藝術館,一步入門口已經有好多鬼妹姐姐熱情招待,亦都見到酒商進化歷史,再穿過前園去到一個空曠嘅庭園,有好幾個好大嘅天幕,遠處已經傳來食物嘅香味!正呀~我唔客氣喇!原來外國party唔興強勁節拍「woo bum ba」,反而鍾意淺嚐美酒配佳餚,不過可能我唔習慣歐洲天氣,天色大概晩上9點先入黑,溫差幾大,我著唔夠衫唯有倚靠住個火爐one night stand⋯⋯
翌日早上喺酒店歎左個靚早餐後,就出發去遊里斯本!大會準備咗個「篤篤一日遊」俾我哋,坐「篤篤」遊城嘅感覺勁似睇返以前成龍D戲要同壞人特工追逐咁~因為D路係斜路;路面D磚凹凸不平;大部份牆身都有塗鴉;抬頭望會有好多晾衫竹,只要企起身就可以拉跌D衫攔住D壞人⋯哈哈,我太好想像力喇~ 落左車之後當然要攻入遊客區買手信啦!葡萄牙出面嘅除左葡萄酒外就係花公雞,對住哩隻雞我諗左好耐除左「葡國雞」外,我真係諗唔到相關原因~買完手信後我問左一個好nice嘅當地姨姨,原來同一個傳說有關。
話說當年有一個無辜嘅朝聖者被全市居民誤會係小偷,仲要被判死刑,哩個人為證明自己清白就指住法官話如果當晚法官晚餐嘅燒雞能夠死而復生並企起身啼叫就代表佢係無辜嘅~神話嘅結局當然就有神跡出現啦!從此哩隻花公雞就代表愛與勇氣嘅化身喇~
玩完成日終於去到戲肉~沿途行去體育館不斷見到好多die hard球迷大聲支持自己愛隊兼唱隊歌,哩次比賽可以話係馬德里市打吡,所以市民特別緊張,氣氛非常熱鬧~入到場內當然要買返條頸巾紀念一下今次來到現場睇波啦!拎住價值被炒到大約三萬港幣嘅飛搵自己個位,OMG…居然坐第二行?仲要係近中場?平時喺電視睇D球星全部近距離大特寫喺我面前扭波,我就來暈喇!場比賽有幾精彩相信有睇電視直播嘅都知道~不過對我而言,第一次現場睇歐洲球場真係非常抵睇,喺加時最後一分鐘追和,每隊加多15分鐘即係全場120分鐘,真係不枉我坐十幾個鐘飛過來葡萄牙~

今次真係一次好難忘嘅經驗!讀萬卷書不如行萬里路係真嘅~有機會的話我都想再去下其他歐洲城市!就算自問幾醒都好,俾個tips大家:財物一定要分開擺,衫袋褲袋或暗格都要擺少少錢同記得買定可靠嘅旅遊保險,例如: DirectAsia ,佢地有個貼心嘅服務要讚下,就算你上網投保,喺10個工作天內佢會寄返你買左D乜嘅hard copy去你屋企,有起咩事你D屋企人都知你買左咩保障唔洗口同鼻拗呀嘛!即使咁唔好彩唔見左野亦可以claim返!大家切記喇~^_^




About the Author